Baada ya Mkurugenzi wa NIMR Kutumbuliwa, Prof. Kitila Mkumbo Ameyasema Haya

BAADA ya kutenguliwa kwake na Rais Dkt. John Magufuli, aliyekuwa Mkurugenzi Mkuu wa Taasisi ya Utafiti wa Magonjwa ya Binadamu, NIMR, Dr Mwele Malechela, wakati huo Rais amemteua Prof. Yunus Daud Mgaya kujaza nafasi hiyo.

Wakati kutenguliwa kwa Dkt. Mwele kumekuja siku moja tu baada ya kuzungumza na waandishi na kudai kuwepo kwa virusi vya Zika nchini. Alisema kati ya watu 533 waliopimwa wakati wa utafiti walioufanya, asilimia 15.6 waligunduliwa kuwa na virusi hivyo. Taarifa yake, ilikuja kukanushwa na Waziri wa Afya, Ummy Mwalimu.

Mwanaharakati na Kiongozi wa Chama cha ACT-Wazalendo, ambaye pia ni Mhadhiri wa Chuo Kikuu cha Dar es Salaam, Prof. Kitila Mkumbo amehoji uhalali wa wanasiasa kutangaza tafiti zinazofanywa na watu wenye taaluma husika (wanasayansi).

Ujumbe huo wa Prof. Mkumbo umetafsriliwa na baadhi ya watu kuwa huenda anahoji uhalali wa Waziri wa Afya, Ummy Mwalim kukanusha taarifa za tafiti ilihali waliyoitoa taarifa hiyo (NIMR) ndiyo wataalam haswa wa masuala ya tafiti.

Kupitia ukurasa wake akaunti yake ya mtandao wa Twitter, Prof. kitila Mkumbo ameandika haya.