KILA LA KHERI MKUTANO MKUU WA CCM DODOMA

Wajumbe wa Mkutano Mkuu wa CCM wakiwa katika moja ya mikutano mjini Dodoma.

Napenda kutumia wasaa huu kuzungumzia mkutano Mkuu Maalum wa CCM utakaofanyika Dodoma July 23, 2016 ukiwa na lengo kuu la kumchagua Mwenyekiti mpya wa CCM.

Ni ukweli usiokua na shaka kwamba Mkutano wa CCM unatazamwa na watu wengi kwa sababu matokeo yake yatabeba matumaini mapya kwa wana CCM na Watanzania kwa ujumla.

Nichukue nafasi hii kumshukuru na kumpongeza Mwenyekiti anayestaafu Dr. Jakaya Kikwete kwa sababu anakabidhi Chama Kikiwa salama na pia ametimiza malengo na madhumuni ya CCM kwa mujibu wa Katiba ambayo kati ya malengo hayo ni haya yafuatayo;-

Ibara ya 5(1) na (2) inatamka kama ifuatavyo-

Kwa hiyo malengo na madhumuni ya CCM yatakua kama yafuatayo-

(1)             Kushinda katika Uchaguzi wa Serikali Kuu na Serikali za Mitaa Tanzanai Bara na Zanzibar ili kuunda na kushika Serikali Kuu na Serikali za mitaa katika Jamhuri ya Muungano wa Tanzania.

(2)             Kulinda na kudumisha Uhuru wa Nchi yetu na raia wake.

Mheshimiwa Kikwete ameyatekeleza haya pamoja na majukumu mengine kwa moyo wa dhati na kwa uwezo wa Mungu anatukabidhi Chama kikiwa salaama ili Kiongozi mwingine aendelee pale alipoishia. Dr. Jakaya Kikwete tunakushuru kwa utumishi wako mwema ndani ya Chama na Selikalini kwa ujumla.

Siku mbili zijazo CCM itakua na Mwenyekiti mpya ambaye sina shaka ni Dr. John Pombe Magufuli, Rais wa Jamhuri ya Muungano wa Tanzania. Kazi aliyotumwa na Chama kuifanya ndani ya Serikali ameifanya vizuri sana tena kwa kasi kubwa katika kipindi kifupi, tunataka sasa kasi hiyo ihamie ndani ya Chama, ili maadili anayojenga kwa watumishi wa Umma, ayajenge pia ndani ya CCM Chama chenye historia kubwa na jukumu zito katiaka ustawi wa Tanzania na watu wake.

Kazi unayoifanya ndiyo hasa unayotakiwa kuwafanyia watanzania, wapo wengi ambao leo hawakuelewi lakini kuna siku watakuelwa, Mwalimu Nyerere aliwahi kusema haya yafuatayo katika kitabu chake cha Uogozi wetu na Hatma ya Tanzania, alisema -

“Hatuwezi kujijengea utaratibu wowote ambao utazuia kabisa makosa yasifanyike hasa makosa makubwa , lakini tunatazania kuwa yakifanyika wanaohusika watawajibika. Na katika makosa makubwa ya maadili na utendaji mwenye jukumu la waziwazi la kuwadhibiti wahusika ni Rais”

Mheshimiwa Rais wetu anatimiza vyema jukumu hilo ambalo tangu mwaka 1994 wakati Mwalimu Nyerere anaandika kijitabu hiki alijua kwamba hilo ni kjukumu la rais. 

Ombi langu kwa Wajembe wa mkutano Mkuu wa CCM, tumpe kura zetu za Ndio Rais Magufuli ili awe Mwenyekiti wa CCM.

Wito wangu kwa Mwenykiti mpya Dr.Magufuli ni kwamba utakapochaguliwa katika kazi zako za kwanza ndani ya Chama, napendekeza uanze na kuhakiki mali na vitegauchumi vyote vya CCM. CCM ni chama tajiri sana lakini kuna baadhi ya wanachama wenye nafasi katika Chama wanatumia majengo na mali nyingine za Chama kama mali zao binafsi kwa faida yao na familia zao na sio kwa faida ya wanachama wote. 

MUNGU IBARIKI TANZANIA